🎬 ரூம் பாய் – திரைவிமர்சனம்
நடிப்பு: சி. நிகில், ஹர்ஷா, இம்மான் அண்ணாச்சி, பிர்லா போஸ், காற்று கருப்பு கலைய், கர்ப்பகம், கவிதா விஜயன், சமீர், அருண் ராஜா, சிட்டி ராஜா, பிரபாகர்
இயக்கம்: ஜெகன் ராயன்
இசை: வேலவன் சஹாதேவன்
தயாரிப்பு: ஏ.சி.எம் சினிமாஸ் – சூரியகலா சந்திரமூர்த்தி
கூர்நோக்கு மையத்தில் படித்து வெளியேறும் நிகில், ஏலகிரியில் உள்ள ஒரு சொகுசு விடுதியில் ரூம் பாயாக வேலைக்கு சேருகிறார். அங்கு நடக்கும் பாலியல் அத்துமீறல்கள் மற்றும் பல மோசடிகளை கண்டுபிடிக்கும் அவர், அதற்கான ஆதாரங்களை கைப்பற்றுவதோடு மேலாளரை கொடூரமாக கொலை செய்கிறார்.
இதனால் வில்லன் கும்பலும், மறுபக்கம் கூர்நோக்கு மைய காப்பாளர் மாயமான வழக்கில் போலீஸும் நிகிலை தேட தொடங்குகிறது.
இவர்களிடமிருந்து தப்பித்தாலும், அந்த விடுதியைச் சுற்றி சுற்றி வரும் நிகில் யார்? அவருக்கும் இந்த சம்பவங்களுக்கும் உள்ள உண்மையான தொடர்பு என்ன? பல திருப்பங்களோடு அதிரடியாக நகரும் கதைதான் ‘ரூம் பாய்’.
குடும்பத்தை இழந்து அனாதையாகும் நாயகன், தனது நிலைக்கு காரணமானவர்களை தேடி பழி தீர்க்கும் பயணம் இந்த படத்தின் மையமாக அமைகிறது. உண்மை சம்பவங்களின் நிழலில், சஸ்பென்ஸ் மற்றும் இன்வெஸ்டிகேஷன் திரில்லர் பாணியில் இயக்குநர் ஜெகன் ராயன் படத்தை பரபரப்பாக உருவாக்கியுள்ளார்.
அறிமுக நடிகர் சி. நிகில், துடிப்பான நடிப்புடன் தனது கதாபாத்திரத்திற்கு நியாயம் செய்துள்ளார். நடனம் மற்றும் ஆக்ஷனில் அசத்தி, முதல் படத்திலேயே சிறப்பான ஆரம்பம் எடுத்துள்ளார்.
🔥 மொத்தத்தில்: திருப்பங்கள் நிறைந்த சஸ்பென்ஸ் திரில்லர் ரசிகர்களுக்கு பார்க்க வேண்டிய படம்!