காந்தா – கனவு தொழிற்சாலையின் மறுபக்கம்
1950களின் தமிழ் சினிமா உலகம். அந்தக் காலத்து உச்சநட்சத்திரமாக விளங்குபவர் துல்கர் சல்மான். அவரை உருவாக்கிய இயக்குநர் சமுத்திரக்கனியின் கனவு கதையாக உருவாகும் ‘சாந்தா’ என்ற படத்திலிருந்து துல்கர் விலகி விடுகிறார். பின்னர், மீண்டும் அந்தப் படத்தை தொடங்க முடிவு செய்கிறார்.
ஆனால், இந்த முறை துல்கர் சல்மான் கதை, காட்சிகளில் பல மாற்றங்களை செய்யத் தொடங்குகிறார். இதனால் இயக்குநர் சமுத்திரக்கனி மனவருத்தத்தில் ஆழ்ந்தாலும், தன்னுடைய கனவு திட்டத்தை நிறைவேற்ற வேண்டும் என்ற உந்துதலில் அவர் அனைத்தையும் சகித்துக்கொள்கிறார். அதற்காக, அவர் அறிமுகப்படுத்திய நாயகி பாக்யஸ்ரீயை வைத்து ஒரு திட்டம் வகுக்கிறார். அந்தத் திட்டம் வெற்றி பெற்றதா? இந்த மோதல் எவ்வாறு முடிகிறது? என்பதுதான் *‘காந்தா’*வின் மையக் கருத்து.
பிரபல நடிகருக்கும் அவரை உருவாக்கிய இயக்குநருக்கும் இடையில் எழும் ஈகோ மோதல் கதைமாந்திரமாக அமைந்த இந்தப் படம், சினிமா உலகின் பின்புல உணர்ச்சிகளையும் அசாதாரணமான உறவுகளையும் மிக நுட்பமாக வெளிப்படுத்துகிறது.
நடிப்பு:
துல்கர் சல்மான் – பெயருக்கு ஏற்பவே ‘நடிப்பு சக்ரவர்த்தி’. ஒவ்வொரு காட்சியிலும் உயிரோட்டத்துடன் நடித்துள்ளார். ஏக்கம், அவமானம், காதல், பெருமை என அனைத்தையும் அசால்டாக வெளிப்படுத்தியிருக்கிறார். அவரின் தோற்றம், ஹேர்ஸ்டைல், முகபாவனைகள் அனைத்தும் அந்தக் காலத்துக்கேற்ற அழகான வடிவமைப்புடன் உள்ளது. இவருக்கு ஒரு தேசிய விருது நிச்சயமென சொல்லலாம்.
சமுத்திரக்கனி – இயக்குநராக மட்டும் அல்லாமல், நடிகராகவும் போட்டியிடும் அளவில் சிறந்த நடிப்பை வெளிப்படுத்தியிருக்கிறார். தன்னுடைய கலை மீது உள்ள கர்வம், அதற்காக தன்னை அர்ப்பணிக்கும் உணர்வு ஆகியவை தெளிவாக வெளிப்பட்டுள்ளன.
பாக்யஸ்ரீ – அப்பாவியான முகபாவனைகள், இனிமையான நடிப்பு என அந்தக் காலத்து நடிகைகளின் கவர்ச்சியை மீண்டும் உணர்த்தியிருக்கிறார்.
ராணா – போலீசாக வித்தியாசமான நடிப்பை வழங்கியிருக்கிறார், ஆனால் சில காட்சிகளில் அது ஓவர் டோஸ் போல தோன்றுகிறது. கஜேஷ், நிழல்கள் ரவி, காயத்ரி, வையாபுரி, ரவீந்தர் விஜய் ஆகியோரும் தங்களுக்கான இடத்தில் நன்றாக பொருந்தியுள்ளனர்.
இசை & தொழில்நுட்பம்:
ஜானு சந்தரின் இசை – பாடல்களும் பின்னணி இசையும் காலநிலையுடன் நன்கு ஒத்துப்போகும் வகையில் அமைந்துள்ளது.
டானி சான்செஸ் லோபெஸ் ஒளிப்பதிவு – 1950களின் சென்னை நகரை சிஜி உதவியுடன் கண்முன் நிறுத்தியுள்ளார்.
ராமலிங்கத்தின் கலை இயக்கம் – செட் வடிவமைப்புகள், பொருட்கள் அனைத்தும் அந்தக் காலத்தை பிழையின்றி மீட்டெடுத்துள்ளன.
இயக்கம்:
செல்வமணி செல்வராஜ் – எழுத்து மற்றும் இயக்கத்தில் இரண்டிலும் திறமையைக் காட்டியுள்ளார். ஒரு நடிகரும் இயக்குநரும் இடையே உருவாகும் ஈகோ மோதலை சுவாரஸ்யமான திரைக்கதையுடன் வெளிப்படுத்தியுள்ளார். எனினும், படத்தின் நீளம் சிறிது குறைந்திருந்தால் இன்னும் சுறுசுறுப்பாக இருந்திருக்கும். முதல் பாதி நாடகமயமாக கவர்ந்தாலும், இரண்டாம் பாதியில் த்ரில்லர் மாறுபாட்டில் சென்று வேறுவிதமான உணர்வைத் தருகிறது.
மொத்தத்தில், ‘காந்தா’ சினிமா கனவுகளின் பின்னணியில் மறைந்து கிடக்கும் உண்மையையும், கலைஞர்களின் மனச்சலனங்களையும் வெளிச்சத்திற்கு கொண்டு வரும் ஒரு நுணுக்கமான முயற்சி.
மதிப்பீடு: ⭐⭐⭐⭐☆ (4/5)
காந்தா – கனவு தொழிற்சாலையின் மறுபக்கம்!