விஷ்ணு விஷால் நடிப்பில் “ஆர்யன்” டீசர் வெளியீடு

விஷ்ணு விஷால் நடிப்பில் “ஆர்யன்” டீசர் வெளியீடு

விஷ்ணு விஷால் ஸ்டுடியோஸ் தயாரிப்பில், சுப்ரா மற்றும் ஆர்யன் ரமேஷ் வழங்க, இயக்குநர் பிரவீன் K இயக்கத்தில் உருவாகியுள்ள “ஆர்யன்” திரைப்படத்தின் டீசர் வெளியாகியுள்ளது.

டார்க் இன்வெஸ்டிகேடிவ் திரில்லராக உருவாகியுள்ள இந்த படத்தில் முன்னணி நடிகர் விஷ்ணு விஷால் முக்கிய கதாபாத்திரத்தில் நடித்துள்ளார். அக்டோபர் 31 ஆம் தேதி இப்படம் உலகம் முழுவதும் தமிழ் மற்றும் தெலுங்கு மொழிகளில் வெளியாக உள்ளது.

கொலை விசாரணையை மையமாகக் கொண்ட இந்த டீசர், விஷ்ணு விஷால் நடித்துள்ள காவல்துறை அதிகாரி ஆர்யன் கதாபாத்திரத்தை அறிமுகப்படுத்துகிறது. முன்பு திரையில் காணாத விதத்தில் மாறுபட்ட தோற்றத்தில் அவர் கவனம் ஈர்க்கிறார்.

34 மாத இடைவெளிக்குப் பிறகு தனி ஹீரோவாக நடித்திருக்கும் விஷ்ணு விஷால், “ராட்சசன்” பட வெற்றிக்கு பின்னர் மீண்டும் போலீஸ் கதாபாத்திரத்தில் நடிக்கிறார். இப்படத்தில் இயக்குநர் செல்வராகவன் முக்கிய வேடத்தில் நடிக்க, நடிகைகள் ஷ்ரத்தா ஸ்ரீநாத், மானசா சௌத்திரி ஆகியோர் முக்கிய கதாபாத்திரங்களில் நடித்துள்ளனர். மேலும் சாய் ரோனக், தாரக் பொன்னப்பா, மாலா பார்வதி, அவினாஷ், அபிஷேக் ஜோசப் ஜார்ஜ் உள்ளிட்டோர் இணைந்து நடித்துள்ளனர்.

புதுமையான திரைக்கதையுடன் பரபரப்பான ஆக்சன்-இன்வெஸ்டிகேடிவ் திரில்லராக இப்படத்தை பிரவீன் K இயக்கியுள்ளார். “எஃப்.ஐ.ஆர்” பட இயக்குநர் மனு ஆனந்த் இணை எழுத்தாளராக பணியாற்றியுள்ளார்.

இறுதிக்கட்ட பணிகள் நடைபெற்று வரும் நிலையில், படத்தின் டிரெய்லர் மற்றும் இசை வெளியீடு குறித்த அறிவிப்பு விரைவில் வெளியாகும் என தயாரிப்புக் குழுவினர் தெரிவித்துள்ளனர்.

நடிகர்கள்: விஷ்ணு விஷால், செல்வராகவன், ஷ்ரத்தா ஸ்ரீநாத், மானசா சௌத்திரி மற்றும் பலர்
இயக்கம்: பிரவீன் K
தயாரிப்பு: விஷ்ணு விஷால் ஸ்டுடியோஸ்

தொழில்நுட்பக் குழு
ஒளிப்பதிவு – ஹரீஷ் கண்ணன்
இசை – ஜிப்ரான்
எடிட்டிங் – ஷான் லோகேஷ்
ஸ்டண்ட் – ஸ்டண்ட் சில்வா, PC ஸ்டண்ட்ஸ் பிரபு
கூடுதல் திரைக்கதை – மனு ஆனந்த்
புரொடக்‌ஷன் டிசைன் – S. ஜெயச்சந்திரன்
உடை அலங்காரம் – வினோத் சுந்தர், வர்ஷினி சங்கர்
சவுண்ட் – சச்சின் சுதாகரன், ஹரிஹரன் (SYNC CINEMA)
ஆடியோ கிராபி – தபஸ் நாயக்
DI – பிரிட்ஜ் போஸ்ட்‌வர்க்ஸ்
VFX – ஹோகஸ் போகஸ்
டப்பிங் – சீட் ஸ்டுடியோஸ்
பப்ளிசிட்டி – பிரதூல் NT
PRO – சதீஷ் (AIM), வம்சி சேகர்
மார்க்கெட்டிங் & புரமோஷன்ஸ் – சித்தார்த் ஸ்ரீநிவாஸ்
போஸ்ட் புரடக்ஷன் சூப்பர்வைசர் – குணசேகர் (போஸ்ட் ஆபிஸ்)
எக்சிக்யூட்டிவ் புரொடூசர் – சீதாராம்
கிரியேட்டிவ் புரொடூசர் – ஷ்ரவந்தி சைநாத்
தயாரிப்பாளர்கள் – சுப்ரா, ஆர்யன் ரமேஷ், விஷ்ணு விஷால்