இட்லி கடை’ ஆடியோ வெளியீட்டு விழா – முக்கிய அம்சங்கள்

‘இட்லி கடை’ ஆடியோ வெளியீட்டு விழா – முக்கிய அம்சங்கள்

தனுஷ் இயக்கி நடித்திருக்கும் ‘இட்லி கடை’ திரைப்படத்தின் இசை வெளியீட்டு விழா சென்னை நேரு உள் விளையாட்டரங்கில் கடந்த ஞாயிறு நடைபெற்றது.

நித்யா மேனன், அருண் விஜய், சத்யராஜ், ராஜ்கிரண், பார்த்திபன், ஷாலினி பாண்டே உள்ளிட்ட பலர் நடிக்கும் இப்படத்திற்கு ஜி.வி. பிரகாஷ் குமார் இசையமைத்துள்ளார். டான் பிக்சர்ஸ், வொண்டர் பார் பிலிம்ஸ், ரெட் ஜெயன்ட் ஆகிய நிறுவனங்கள் இணைந்து தயாரித்துள்ள இப்படம் அக்டோபர் 1ஆம் தேதி ஆயுத பூஜை தினத்தில் திரைக்கு வருகிறது.

வடசென்னை 2 அறிவிப்பு

விழாவில் கலந்து கொண்ட தயாரிப்பாளர் ஐசரி கணேஷ், தனுஷ்–வெற்றிமாறன் கூட்டணியின் ‘வடசென்னை 2’ திரைப்படத்தை தாம் தயாரிக்க இருப்பதாகவும், அதற்கான பணிகள் விரைவில் தொடங்க உள்ளதாகவும் அறிவித்தார்.

ஹேட்டர்ஸ் பற்றி தனுஷ்

விழாவில் பேசிய தனுஷ்,

> “ஹேட்டர்ஸ் என்று யாரும் இல்லை. சிலர் பல ஐ.டி.கள் மூலம் பரப்புவது தான் ஹேட். ஆனால் அவர்கள் கூட படத்தை பார்த்துதான் செல்கிறார்கள்,”
என்று தெரிவித்தார்.

மேலும்,

> “நான் நடிக்கும் படங்களை திரையரங்குகளில் பாருங்கள். மற்ற நேரங்களில் குடும்பத்தை கவனியுங்கள். இன்று என்னை சந்திக்க வரும் ரசிகர்களில் மருத்துவர்கள், பொறியாளர்கள், வழக்கறிஞர்கள் அதிகம் இருக்கிறார்கள். அதுவே எனக்கு உண்மையான மகிழ்ச்சி,”
என்றும் கூறினார்.

 

இசை பற்றி கருத்து

இசையின் போக்கு மாறிவிட்டதாகக் கூறிய தனுஷ்,

> “ஒரு பாடலை ரசிக்க 10 வினாடி தான் மக்கள் செலவிடுகிறார்கள். அதனால் தரமான இசை தர வேண்டும். ஜி.வி. பிரகாஷ் அதையே செய்து வருகிறார்,”
என்றார்.

 

அதனைத் தொடர்ந்து ஜி.வி. பிரகாஷ்,

> “தனுஷ் இயக்கினால் ‘துள்ளுவதோ இளமை 2’யில் நடிக்கத் தயார். ஆனால் துரோகம் செய்யும் கதாபாத்திரத்தில் ஒருபோதும் நடிக்க மாட்டேன்,”
என்று தெரிவித்தார்.

 

‘இட்லி கடை’ குட்டி ஸ்டோரி

இப்படத்தின் பெயர் எப்படி வந்தது என்பது குறித்தும் தனுஷ் பகிர்ந்தார்:

> “சிறுவயதில் இட்லி சாப்பிட பணம் இல்லாமல், மலர் பறித்து விற்று சம்பாதித்துக் கொண்டு இட்லி கடையில் சாப்பிட்ட அந்த சந்தோஷமே இந்த படத்திற்கு ஈர்ப்பு. அந்த உணர்வே ‘இட்லி கடை’ உருவாகக் காரணம்,”
என்று தெரிவித்தார்.