Thursday, January 21
Shadow

மாறா திரை விமர்சனம் (காவியம்)Rank 4.5/5


துல்கர் சல்மான், பார்வதி நடிப்பில் கடந்த 2015ம் ஆண்டு வெளியான மலையாள படமான சார்லியின் ரீமேக் தான் மாறா. பார்வதி/ பாரு(ஷ்ரத்தா ஸ்ரீநாத்) தான் சிறுமியாக இருந்தபோது கேட்ட கதையை கேரளாவில் இருக்கும் மீனவ கிராமத்தின் சுவர்களில் ஓவியமாக பார்க்கிறார். வேலை விஷயமாக அந்த ஊருக்கு சென்ற இடத்தில் ஓவியங்களை பார்த்து வியக்கும் பாரு அதை வரைந்த மாறாவை(
மாதவன்) தேடிச் செல்கிறார்.

வித்தியாசமான ஓவியரான மாறா பலரின் வாழ்வில் சந்தோஷத்தை ஏற்படுத்துகிறார். சார்லி படத்தை அப்படியே ரீமேக் செய்யாமல் சில மாற்றங்களை செய்திருப்பதும் ரசிக்கும்படி உள்ளது. தினேஷ் கிருஷ்ணன் மற்றும் கார்த்திக் முத்துக்குமாரின் ஒளிப்பதிவு வண்ணங்களை அழகாக காட்டியுள்ளது. ஜிப்ரானின் இசை படத்திற்கு பலமாக அமைந்திருக்கிறது.

ஷ்ரத்தா ஸ்ரீநாத் தன் கதாபாத்திரமாகவே மாறியுள்ளார். மாறாவின் ஓவியங்களை பார்க்கும்போது அவர் வெளிப்படுத்தும் உணர்ச்சிகள் அருமை. குணச்சித்திர கதாபாத்திரங்களில் நடித்தவர்கள் தங்கள் வேலையை உணர்ந்து செய்திருக்கிறார்கள்.

சார்லியை பார்த்து அசந்து போனவர்கள் கூட மாறாவை விரும்பும் வகையில் படம் எடுத்திருக்கிறார் திலீப் குமார். சார்லியின் கதாபாத்திரம் போன்று இல்லாமல் மாறா ஏன் அப்படியானார் என்று விளக்கம் அளிக்க முயன்றுள்ளனர்.

ஜாலியாக ஊர் சுற்றும் ஆளாக இல்லாமல் மாறா உள்ளுக்குள் வருத்தமாக இருக்கிறார். அவர் அப்படி இருக்க ஒரு காரணம் இருக்கிறது. சார்லியிடம் எந்த வருத்தமும் இருக்காது. துல்கர் சல்மானை விட மூத்தவரான மாதவன் அந்த கதாபாத்திரத்தில் நடித்ததாலோ என்னவோ இப்படி ஒரு மாற்றம் தேவைப்பட்டிருக்கிறது. ஆனால் வயதில் மூத்தவராக இருந்தாலும் துல்கருக்கு இணையாக சார்மிங்காக உள்ளார் மாதவன்.

பாரு, மாறா இடையேயான ரொமான்ஸ் ரசிக்கும்படியாக இருக்கிறது. ஆனால் கதை டிராக் மாறிப் போகும் போது பாரு-மாறா ரொமான்ஸ் ஓரம் கட்டப்படுகிறது. அதனால் ஆரம்பத்தில் கிடைக்கும் அந்த சந்தோஷ உணவர்வு இறுதியில் இல்லை.

பிளஸ்

ஷ்ரத்தா ஸ்ரீநாத் நடிப்பு, ஜிப்ரானின் இசை, சிறந்த ஒளிப்பதிவு

மைன்ஸ்

படத்தோடு ஒன்றினையதா சில கதாபாத்திரங்கள், இயக்குனர் திலீப் குமார் இன்னும் கவனம் செலுத்தி இருக்க வேண்டும்,
திரைக்கதை பொறுமையாக உள்ளது

மொத்தத்தில் கதை சொல்லும் மாறா, ரசிகர்கள் ரசிக்கும் படமாகவே இருக்கிறது.

CLOSE
CLOSE