தி ஹிடன் புரோடெக்டர்’ – விமர்சனம் Rank 3.75/5
‘தி ஹிடன் புரோடெக்டர்’ விமர்சனம் – கற்பனையும் கலாச்சாரமும் கைகோர்த்த கண்கவர் அனிமேஷன் அனுபவம்
குழந்தைகளுக்கான கார்ட்டூன் திரைப்படம் என்ற எல்லையைத் தாண்டி, குடும்பம் முழுவதும் ரசிக்கக்கூடிய தரமான அனிமேஷன் படைப்பாக உருவாகியுள்ளது ‘தி ஹிடன் புரோடெக்டர்’. சீன நாட்டுப்புறக் கதைகள், மாய உலகம், நட்பு, பொறுப்பு மற்றும் தன்னம்பிக்கை ஆகியவற்றை ஒன்றாக இணைத்து விறுவிறுப்பான திரைக்கதையுடன் இந்த படம் பயணிக்கிறது.
கதையின் மையத்தில் இருக்கும் பிரையர், பிராம்பிள் மற்றும் விக் ஆகிய கதாபாத்திரங்கள் எதிர்பாராத விதமாக மாய சக்திகளைப் பெறுகின்றனர். அந்த சக்திகள் அவர்களை மனித உலகத்தையும் மந்திர உலகத்தையும் காப்பாற்ற வேண்டிய மிகப்பெரிய சாகசப் பயணத்துக்குள் இழுத்துச் செல்கின்றன. சகோதர பாசம், பொறாமை, தியாகம் போன்ற உணர்வுகளை குழந்தைகளுக்கும் எளிதில் புரியும் வகையில் காட்சிப்படுத்தியிருப்பது படத்தின் பலமாகும்.
...
