ஐ அம் கேம் – திரை விமர்சனம் (Rank 3/5)
I'm Game – முதல் பாதி சர்வதேச தரம்; இரண்டாம் பாதியில் தடுமாறும் ஆட்டம்!
ஒரு திரைப்படம் துவக்கத்தில் ஏற்படுத்தும் எதிர்பார்ப்பை இறுதிவரை தக்கவைத்துக் கொள்வதே அதன் மிகப்பெரிய வெற்றி. அந்த வகையில் பார்க்கும்போது, இயக்குநர் நஹாஸ் ஹிதாயத்தின் I'm Game, முதல் பாதியில் உருவாக்கும் பிரம்மிப்பை இரண்டாம் பாதியில் முழுமையாகத் தொடரத் தவறிய திரைப்படமாக மாறுகிறது.
சூதாட்ட உலகம், மனிதர்களின் பேராசை, அதிர்ஷ்டம் மற்றும் வாழ்க்கையை தலைகீழாக மாற்றும் எதிர்பாராத சம்பவங்கள் ஆகியவற்றை மையமாகக் கொண்டு நகரும் இந்தப் படத்தில், துல்கர் சல்மான் டான் ஜான் என்ற கதாபாத்திரத்தில் நடித்துள்ளார். அவருடன் ஆண்டனி வர்கீஸ் பெப்பே முக்கியமான கதாபாத்திரத்தில் வருகிறார். விதிவசத்தால் வெவ்வேறு உலகங்களில் வாழும் இருவரின் வாழ்க்கையும் ஒரு கட்டத்தில் ஒன்றோடொன்று இணைகிறது. அதன்பிறகு அவர்களது வாழ்க்கையில் நடக்கும் சம்பவங்கள்தான் I...