ஒரு தேசிய திரைப்பட விருது பெற்ற இந்திய நடிகை, தயாரிப்பாளர் மற்றும் முன்னாள் மாடலுமாவார். அவர் பிரதானமாக பாலிவுட் படங்களில் பணியாற்றினார், இருப்பினும் ஒரு சில தமிழ் மற்றும் தெலுங்கு திரைப்படங்களிலும் கூடத் தோன்றினார்.
டாண்டனுக்கு அவரது முதல் படமாக பத்தர் கே பூல் (1991), அமைந்தது, மேலும் பிலிம்பேர் லக்ஸ் புது முக விருதினை படத்தில் அவரது நடிப்பிற்காக வென்றார். 1990ம் ஆண்டுகளில், பல வணிக ரீதியிலான வெற்றிகளான மோஹ்ரா (1994), கிலாடியோன் கா கிலாடி (1996) மற்றும் ஸிட்டி (1997) போன்ற இதரவற்றிலும் பங்குப் பெற்றார். பிரபலமடைந்தாலும், குறிப்பாக அவர் ஒரு நடிகையாக அங்கீகரிக்கப்படவில்லை. இருப்பினும், இது 2000 ஆம் ஆண்டின் துவக்கத்தில் மாறியது, அப்போது அவர் தீவிரமான கதாபாத்திரங்களை துணிச்சலாக ஏற்றார், மேலும் கலைக்கூடங்களையும் இணைச் சினிமாக்களையும் நோக்கித் திரும்பினார். அக்ஸ் (2001) மற்றும் சட்டா (2003) போன்ற திரைப்படங்களில் அவருடைய நடிப்பிற்காக உயர் விமர்சனங்களைப் பெற்றார், மேலும் அவரது வாழ்க்கைப் பணியின் உச்சத்திலிருந்தப் போது 2002 ஆம் ஆண்டில் அவர் தேசிய திரைப்பட விருதினை சிறந்த நடிகைக்காக கல்பனா லஜ்மியின் டாமன்:அ விக்டிம் ஆஃப் மேரிடல் வயலன்ஸ் (2001) திரைப்படத்தில் பெற்றார்.
ரவீணா டாண்டன் திரைப்பட இயக்குநர் ரவி டாண்டன் மற்றும் அவரது மனைவி வீணாவின் மகளாவார். அவரது பெயர் அவரது பெற்றோர்களின் பெயர்களின் கலவையாகும். அவர் ஜுஹுவிலுள்ள ஜம்னாபாய் நர்சீ பள்ளியிலும் மற்றும் மிதிபாய் கல்லூரியிலும் படித்தார். கல்லூரியில் அவர் முதலிரண்டு ஆண்டுகளைப் பூர்த்திச் செய்தார். அவர் கல்லூரியில் படித்து வந்த காலத்தில் ஷாந்தனு ஷெராயிடமிருந்து நடிப்பதற்கான முதல் அழைப்பைப் பெற்று, அதனை ஏற்றார். அவர் கல்லூரியிலிருந்து இடைவிலகல் செய்து அவரது திரைப்பட வாழ்க்கைப் பணியை கைக்கொள்ள முடிவுச் செய்தார். நடிகர் மக் மோகன் அவரது தாய் மாமன் ஆவார்.
டாண்டன் 2003 இலிருந்து சிறுவர் திரைப்பட கழகத்தின் தலைவராக இருந்தார், ஆனால் 2004 லிருந்து நடிகை மீது புகார்கள் அவர் அமைப்பின் கூட்டங்களுகு வருவதில்லை எனவும் அமைப்பு ஏற்படுத்தியுள்ள நடவடிக்கைகளில் ஈடுபடவில்லை எனவும் வரத் துவங்கின. செப்டம்பர் 2005, டாண்டன் தனிப்பட்ட காரணங்களைக் குறிப்பிட்டு அவரது பதவியிலிருந்து விலகினார்.[21]
நவம்பர் 2005 இல், டாண்டன் Shaadi.com மற்றும் Shaaditimes.com ஆகியவற்றின் மீது, வலைத்தளத்தின் மேம்பாட்டிற்கு அனுமதிப் பெறாமல் தனது புகைப்படத்தை பயன்படுத்துவதற்காக வழக்குத் தொடர்ந்தார். அவர் சத்யாநெட் சல்யூஷன்ஸ்சின் உரிமையாளர் மீது அவர்கள் டாண்டனும் அவரது கணவரும் அவ் வலைத்தளத்தின் ஊடாகவே சந்தித்துக் கொண்டனர் என கோரியதற்கு எதிராக வழக்குத் தொடர்ந்தார்.