
இயக்குனர்களை பல வகை இயக்குனர்கள் உண்டு ஒரு சில இயக்குனர்கள் மசாலா படங்களை மட்டுமே இயக்குவார்கள் ஒரு சில இயக்குனர்கள் படத்தில் என்ன இருக்கோ இல்லையோ நிச்சயம் பிரமாண்டம் இருக்கணும் என்று இருப்பார்கள் ஒரு சில இயக்குனர்கள் கதையை மட்டுமே நம்பி பயணிப்பார்கள் அனால் இயக்குனர் சுசீந்திரன் கதை மற்றும் பொழுதுபோக்கு மசாலா விளையாட்டு என்று சுக சிந்தனைகளோடு பயணிப்பவர் கபடி கிரிகெட் இப்படி விளையாட்டுக்கு முக்கியத்துவம் கொடுத்த இயக்குனர்
அந்த வகையில் இந்த வாரம் வெளியாகி இருக்கும் ஜீனியஸ் படிப்புக்கு முக்கியத்துவம் வாய்ந்த படமாக களத்தில் இறங்கியுள்ளார் அதில் வெற்றியும் பெற்றுள்ளார்.ஒருவரின் வாழ்கையை அவரது கல்வி மட்டும் முடிவு செய்யவில்லை அவரின் வாழ்க்கை முறையும் தான் முடிவு சிகிறது என்பதை மிக அழகாக உணர்த்தும் படம் என்று சொன்னால் மிகையாகது வியாபாரத்தோடு சமுக அக்கறையுடன் வந்துள்ள படம் இவ்வொரு பெற்றோர்களும் பார்க்க வேண்டிய படம்
அறிமுக நாயகன் ரோஷன் தயாரித்து நாயகனாக நடித்து உள்ள படம் நாயகியாக ப்ரியா லால் ஆடுகள் நரேன் ஜெயபிரகாஷ், சிங்கமுத்து, ஈரோடு மகேஷ், பாலாஜி, திலீபன் நீர கிருஷ்ணன் மற்று பலர் நடிப்பில் யுவன் ஷங்கர் ராஜா இசையில் குருதேவ் ஒளிப்பதிவில் வெளிவந்து இருக்கும் படம்
ஆடுகளம் நரேன்-மீரா கிருஷ்ணன் தம்பதியின் ஒரே மகன் ரோஷன். படிப்பில் படுசுட்டியாக திகழும் ரோஷனின் திறமையை உணர்ந்த தந்தை நரேன், அவனை சிறு வயது முதலே படிப்பில் மட்டுமே கவனம் செலுத்த வைக்கிறார். தொடர்ந்து கோச்சிங் சென்டருக்கு அனுப்பி படிக்க வைத்து, பத்தாம் வகுப்பில் மாநிலத்திலேயே முதல் மார்க்கும் வாங்க வைக்கிறார்.
இதனால், ரோஷனின் விளையாட்டு ஆர்வமும், சந்தோஷமும் பறி போகிறது. அதன் பின் ரோஷன் கல்லூரி படிப்பை முடித்து நல்ல ஐடி கம்பெனியிலும் வேலை கிடைத்து கை நிறைய சம்பாதிக்கிறார். இந்நிலையில் ரோஷனின் திறமையை பார்த்து மேலதிகாரி அதிக வேலைகளை கொடுக்கிறார்.
இரவு பகல் பாராமல் வேலை செய்யும் ரோஷனுக்கு மன அழுத்தம் ஏற்படுகிறது. மருத்துவமனையில் அனுமதிக்கப்படும் ரோஷன், குணமடைந்தாலும் மன அழுத்தத்தால் அடிக்கடி கோபப்படும் சூழ்நிலையும் தன்னிலை மறக்கும் நிலையும் உருவாகிறது. ரோஷனை குணப்படுத்த பெற்றோர்கள் பலவிதங்களில் முயற்சி செய்கிறார்கள். இவர்களின் முயற்சி வெற்றி பெற்றதா? ரோஷன் குணமடைந்தாரா? என்பதே மீதிக்கதை.
இப்படத்தின் மூலம் கதாநாயகனாக அறிமுகமாகி இருக்கிறார் ரோஷன். தன்னால் முடிந்தளவிற்கு சிறப்பான நடிப்பை கொடுத்திருக்கிறார். கதாபாத்திரத்திற்கு கச்சிதமாக பொருந்தியிருக்கிறார். கதாநாயகியாக நடித்திருக்கும் பிரியாலால், சிறிது நேரம் மட்டுமே வந்தாலும் மனதில் நிற்கிறார்.
பெற்றோர்களாக நடித்திருக்கும் நரேன், மீரா கிருஷ்ணன் ஆகியோரின் நடிப்பு படத்திற்கு பலம் சேர்த்திருக்கிறது. வழக்கம்போல் இல்லாமல் வித்தியாசமான கதாபாத்திரத்தை ஏற்று நடித்திருக்கிறார். டாக்டராக ஜெயபிரகாஷ், சிங்கமுத்து, ஈரோடு மகேஷ், பாலாஜி, திலீபன் ஆகியோர் படத்தின் திரைக்கதை ஓட்டத்திற்கு பெரிதும் உதவியிருக்கிறார்கள்.
குழந்தைகளுக்கு படிப்பு மட்டும் போதாது கூடவே விளையாட்டும் முக்கியம் என்பதை ஜீனியஸ் படம் மூலம் சொல்லியிருக்கிறார் இயக்குனர் சுசீந்திரன். இந்தக் காலத்தில் பெரும்பாலான பெற்றோர்கள் தங்கள் குழந்தைகளிடம் எப்படி நடந்துகொள்கிறார்கள்? என்பதை காட்சிகளில் பிரதிபலித்திருக்கிறார் இயக்குனர். அத்துடன் பெற்றோர்களுக்கு எச்சரிக்கையோடு நல்ல அறிவுரையும் வழங்கியிருக்கிறார்.
யுவன் சங்கர் ராஜாவின் இசையில் பாடல்கள் அனைத்தும் கேட்கும் ரகம். பின்னணி இசையையும் ரசிக்க முடிகிறது. ஆர்.பி.குருதேவ்வின் ஒளிப்பதிவு ஆங்காங்கே பளிச்சிடுகிறது.
மொத்தத்தில் ‘ஜீனியஸ்’ பெற்றோர்களுக்கு மிக சிறந்த அட்வைஸ் Rank 3.5/5