இஸ்பேட் ராஜாவும் இதய ராணியும் – திரைவிமர்சனம் Rank 3.5/5

share on:

இயக்குனர் ஜெயக்கொடி தன் முத்ல் புரியாத புதிர் படத்தில் திரில்லர் கதையுடன் களம் இறங்கி வெற்றிகண்டார் தற்போது காதல் கதையில் களம் இறங்கியுள்ளார் இன்றைய காதல் என்பது காமம் என்று தான் கடைசியில் வந்து நிற்கிறது ஆனால் ஜெயக்கொடி காதலா இல்லை காமமா என்ற கேள்வி குறியுடன் களம் இறங்கியுள்ளார்.

தன்னைப்பற்றி கவலைப்படாமல் தந்தையை விட்டு பிரிந்து சென்ற தாய்மீது உள்ள கோபத்தை காதலி மீது காட்டும் காதலனும், அவன் மீது எந்த நிலையிலும் பாசம் காட்டும் காதலியுமே இஸ்பேட் ராஜாவும் இதய ராணியும்படத்தின் கரு.

இந்த படத்தில் ஹரிஷ் கல்யாண்,ஷில்பா மஞ்சுநாத்,மாகாபா ஆனந்த்,பாலசரவணன்,பொன்வண்ணன்,சுரேஷ்,லிஸி ஆண்டனி,திவ்யா,ஆதித்யா யுவன் சங்கர் ராஜா இசையில் ஜெயக்கொடி இயக்கத்தில் வெளிவந்து இருக்கும் படம்
ஹீரோ ஹரிஷ் கல்யாண். அப்பா பொன்வண்ணன் தானெனும் அகந்தையாலும், குடிப்பழக்கத்தாலும் ஹரிஷின் தாயார் லிஸி ஆண்டனிஹரீஸ் கல்யாணின் சின்ன வயதிலேயே ஹரிஷையும் பொன்வண்ணனையும் துணிந்து பிரிந்து வேறு ஒருவருடன் சென்று விடுகிறார். நீ அம்மா எங்கே என கேட்காமல் சமத்தாக இருக்கவேண்டும் என ஹரிஷுக்கு சமாதானம் சொல்லிவிட்டு சென்ற தாய், கடைசிவரை திரும்பி வராத கடுப்பில் இருக்கும் ஹரிஷ் கல்யாண், அப்பாவின் வளர்ப்பில் வளர்ந்துபெரியவனாகிறார் சில நாட்களில் முரட்டுத்தனமான அவருக்கும், காதல் வருகிறது. ஷில்பா மஞ்சுநாத் மீது ஒரு முட்டல் மோதலில் காதல் வயப்படும் ஹரிஷ், ஒரு கட்டத்திற்கு மேல்தன் அம்மா மீது உள்ள கோபத்தை ஷில்பா மீதுகாண்பிக்கிறார்.

ஷில்பாவும் பெரிய இடத்துப் பெண் என்றாலும், ஒரு நட்ட நடு ராத்திரியில் தன்னை அம்போ என நடுரோட்டில் விட்டு சென்ற முறைப்பையன் மீது வெறுப்பை உமிழ்ந்து தன்னைக் காப்பாற்றிய ஹரிஷ் மீதுகாதல் கொள்ளுகிறார். ஒரு கட்டத்திற்கு மேல்மிடில் கிளாஸ் ஹரிஷின் அன்புத் தொல்லை,அடக்க முடியாத கோபம் ஆகியவற்றைபொறுக்கமுடியாமல்விலகிச் செல்கிறார்ஷில்பா. இதில் கடுப்பாகும் ஹரிஷ் எல்லா பெண்களும் தன் அம்மா மாதிரிதான் என நினைத்துக்கொண்டு ஷில்பாவை தீர்த்துக்கட்ட முடிவு செய்கிறார். ஹரிஷின் எண்ணம் சரியானதுதானா ? ஷில்பா அவர் கையால் தீர்த்துக்கட்ட பட்டாரா அல்லது, ஷில்பா ஹரிஷின்முன்கோபத்தை மூட்டை கட்ட செய்துஇருவரும் காதலில் மூழ்கி முத்து எடுத்தார்களா..? என்பதுதான் “இஸ்பேட் ராஜாவும் இதய ராணியும் ” படத்தின் முழுக்கதையும் களமும் ஆகும்.

இந்தப் படத்தில் பிக்பாஸ் புகழ் ஹரிஷ் கல்யாண் கௌதம் எனும் பாத்திரத்தில் பெரும் முன்கோபக்காரர் ஆகவும், முரட்டு இளைஞராகவும்அசத்தலாக நடித்திருக்கிறார். ஷில்பா மஞ்சுநாத் உடனான காதல் மட்டும் லிப் டூ லிப் முத்தக்காட்சிகளில் புகுந்து விளையாடி இருக்கிறார் மனிதர். ஆனால், அவருக்கும் நாயகிக்கும் இடையேயான முட்டல் மோதல்களில் உச்சகட்ட உரசல்களில் இன்னும் சற்று இவர் தன்நடிப்பு திறமையை வெளிக்காட்டி இருக்கலாம்.

மற்றபடி, ஹரிஷ் கௌதம் பாத்திரத்தில் பக்கா பொருத்தம் பிக்பாஸ்க்கு பின்”பியார் பிரேம காதல்” படமும் சரி இந்த “இஸ்பேட் ராஜாவும் இதய ராணியும்”படமும் சரி, ஹரிஷ் கல்யாணுக்கு பெயர் சொல்லும் படங்களாக அமைந்திருப்பது பெரும் ப்ளஸ்!

இந்தப் படத்தின் கதாநாயகியாக தாரா எனும் கேரக்டரில் அறிமுகமாகி இருக்கும் புதுமுகம் ஷில்பா மஞ்சுநாத் புதுமுகம் எனும் அளவில் இல்லாமல் சும்மா பிரித்து பெடலெடுத்திருக்கிறார் வாவ்!

நாயகனின் நண்பர் குமாராக எதிர்ப்படும் எல்லோரையும் ஆண் பெண் பாகுபாடின்றி குமாரு, குமாரு…. என செல்லமாக அழைத்தபடி காமெடியில் கலக்கியிருக்கும் மாகாபா ஆனந்த் பக்கா. அவர் மாதிரியே பால சரவணனும் கிடைத்த கேப்பில் எல்லாம் கிடா வெட்ட முயன்றிருக்கிறார். ஆனால், மாகாபாவிற்கு கிடைத்த அளவிற்கு இவருக்கு காமெடி செய்ய இப்படத்தில் அதிக அளவில் கேப் கிடைக்கவில்லை என்பது வேறு விஷயம்.

ஹரிஷ் கல்யாண் அப்பாவாக வாசுதேவன் ஆகவரும் பொன் வண்ணன் பாந்தம். அவர் மாதிரியே நாயகி ஷில்பா மஞ்சுநாத்தின் தந்தையாக வரும் “பன்னீர் புஷ்பங்கள்” கதாநாயகர் சுரேஷ், இப்பட ஹீரோ ஹரிஷ் கல்யாணிடம்அடி எல்லாம் வாங்கி அசத்தலாக நடித்திருக்கிறார்.சாருலதாவாக லிஸி ஆண்டனி, பிரியா – திவ்யா, ரோகித் -ஆதித்யா உள்ளிட்டபிறரும் பாத்திரத்திற்கேற்ற பக்கா தேர்வு.

சாம் .சி.எஸ் இசையில் “ஏசஞ்சானி….”, “கண்ணம்மா உன்ன மனசுல வைக்கிறேன்… “,:”ஏன் மனச உணடாக்கின…” உள்ளிட்ட பாடல்கள் மற்றும் பின்னணி இசையமைப்பு உள்ளிட்டவைகளில் பின் பாதி படத்தின் படத்தொகுப்பு மட்டும் பலவீனம் மற்றைவை பலம்.

ரஞ்சித் ஜெயக்கொடியின் எழுத்து, இயக்கத்தில்,இந்த படம் எதிர்கால இளைஞர்களின் வாழ்கை இப்படி தான் இருக்கும் என்பதை வெளிச்சம் போட்டு காட்டியுள்ளார் சில காட்சிகள் ஏற்கனவே பார்தமாதிரியாக உள்ளது இயக்குனர் படத்தின் கதையை எழுதும் போதே இது இளைஞர்களுக்கு மட்டும் என்று பேனாவை பிடித்துள்ளார். அதை காட்சியும் படதியுள்ளார்

மொத்தத்தில் இஸ்பேட் ராஜாவும் இதய ராணியும் இளைஞர்களின் விருந்து Rank 3.5/5