‘நீளிரா’ – திரை விமர்சனம் Rank 4/5
‘நீளிரா’ திரை விமர்சனம் – போரின் நடுவே மனிதத்தின் நீண்ட இரவு
சினிமாவில் போர் கதைகள் புதிதல்ல. ஆனால், ஒரு திருமண வீடு போரின் மையமாக மாறும் தருணத்தை இவ்வளவு அமைதியாகவும் அதே நேரத்தில் பதட்டமாகவும் சொல்லும் முயற்சிகள் அரிது. அந்த வகையில் இயக்குநர் சோமிதரன் உருவாக்கியுள்ள ‘நீளிரா’, சத்தமில்லாத சினிமாவாக இருந்தாலும் மனசுக்குள் பெரும் அதிர்வை ஏற்படுத்தும் படைப்பு.
‘நீளிரா’ — நீண்ட இரவு. பெயரே படத்தின் உணர்வை முன்னரே சொல்லிவிடுகிறது. இலங்கையின் போர் சூழலில் சிக்கிக் கொண்ட ஒரு சாதாரண குடும்பம்… மகளின் திருமணத்தை நடத்தவே இராணுவங்களிடம் அனுமதி வாங்க வேண்டிய நிலை… மகிழ்ச்சிக்கான நாள், பயத்தால் நிரம்பும் தருணம் — இதுதான் கதையின் மையம்.
திருமணத்திற்கு முன் இரவு. வெளியே துப்பாக்கிச் சத்தம், உள்ளே அமைதிக்காகக் காத்திருக்கும் மனங்கள். இந்திய அமைதிப்படை வீரர்கள் வீட்டுக்குள் தஞ்சம் புகும் அந்தச் ச...