💔❤️ “நவீன காதலின் உண்மை முகம்!” பிரேக்ஃபாஸ்ட்’ மூலம் ஹீரோவாக வருகிறார் ராணவ்!
சின்னத்திரை மூலம் அறிமுகமானாலும், சிலர் மட்டுமே ரசிகர்களின் அன்பை ஆழமாகப் பெறுகிறார்கள். அந்த வரிசையில், ‘பிக் பாஸ் சீசன் 8’ நிகழ்ச்சியின் மூலம் கவனம் ஈர்த்து, குறுகிய காலத்திலேயே பெரிய ரசிகர் வட்டத்தை உருவாக்கியவர் நடிகர் ராணவ்.
இந்த வரவேற்பும் அவரது திறமையும், அவரை திரைப்பட உலகில் புதிய வாய்ப்புகளுக்குத் தள்ளியது. இயக்குநர் காந்தி கிருஷ்ணா இயக்கத்தில் உருவாகியுள்ள ரொமான்டிக் திரைப்படமான ‘பிரேக்ஃபாஸ்ட்’ மூலம் அவர் கதாநாயகனாக அறிமுகமாகிறார். இப்படம் ஏப்ரல் 24ஆம் தேதி உலகம் முழுவதும் திரையரங்குகளில் வெளியாக உள்ளது.
படத்தில் நடித்த அனுபவம் குறித்து ராணவ் கூறியதாவது:
“காந்தி கிருஷ்ணா சாரின் இயக்கத்தில் அறிமுகமாகுவது எனக்கு கனவு நனவான தருணம். மனித உணர்வுகளை ஆழமாகப் பேசும் அவரது படைப்புகள் எனக்கு எப்போதும் இன்ஸ்பிரேஷன். ‘செல்லமே’, ‘ஆனந்த தாண்டவம்’ போன்ற படங்கள் எனக்கு மிகவும் பிடித்தவை.
‘பிரேக்ஃபாஸ்ட்’ படத்தில், காதல், உண்மை, குழப்பம், சுயஅறிதல் போன்ற பல உணர்வுகளை வெளிப்படுத்தும் கதாபாத்திரத்தில் நடித்திருக்கிறேன். குறிப்பாக, வார்த்தைகளைத் தாண்டி உறவுகளில் உள்ள அமைதியையும் உணர்ச்சிகளையும் புரிந்துகொள்ளும் மனிதனின் பயணமே இந்தக் கதையின் மையம்.
இன்றைய நவீன வாழ்க்கையில் உறவுகளுக்கிடையேயான சிக்கல்கள், எதிர்பார்ப்புகள், உணர்ச்சி இடைவெளிகள் போன்றவற்றை இந்த படம் உண்மையாகக் காட்டுகிறது. பார்வையாளர்கள் தங்கள் வாழ்க்கையை இதில் பிரதிபலிப்பதாக உணர்வார்கள். இது ஒரு சாதாரண படம் அல்ல, ஒரு உணர்வுப்பூர்வமான அனுபவம்” என்றார்.
நடிப்பில்: ரோஸ்மின், சம்பத் குமார், கஸ்தூரி, கிருத்திக் மோகன், அமிதா ரங்கநாத் உள்ளிட்டோர்.
தொழில்நுட்பக் குழு:
தயாரிப்பாளர் – கிரிஜா வரதராஜ்
இயக்குநர் – காந்தி கிருஷ்ணா
இசை – ஜி.வி. பிரகாஷ் குமார்
பாடல்கள் – வைரமுத்து, விவேக்
தமிழ்நாடு வெளியீடு – குகன்