மாதுரி தீட்சித் ஒரு இந்திய பாலிவுட் நடிகையாவார். 1980 மற்றும் 1990 ஆண்டுகளில் இந்தி படவுலகில் புகழ்பெற்ற நடிகைகள், நடன நாட்டிய நிபுணர்களின் வரிசையில், இவர் தன்னை ஒரு பெயர்பெற்ற நடிகையாகவும் நடன நாட்டிய கலைஞராகவும் நிலைநாட்டிக் கொண்டார். இவர் பல வகையான வணிகரீதியான வெற்றிப்படங்களில் தோன்றியதோடு பல படங்களில் அவருடைய நடிப்புத் திறமைக்காகவும் எண்ணற்ற மனம் கவரும் நடனங்களுக்காகவும் பெயர் பெற்றார். ஊடகங்கள் மாதுரியை பாலிவுட்டின் மிகவும் முதன்மை நடிகையாக அடிக்கடி மேற்கோள் காட்டுவதுண்டு. 2008 ஆம் ஆண்டில், இந்திய அரசு இவருக்கு இந்தியாவின் நான்காவது மிகவும் உயர்ந்த குடிமுறைசார்ந்த விருதான பத்ம ஸ்ரீ பட்டத்தை அளித்து பெருமை செய்திருக்கிறது.
மாதுரி தீட்சித் மும்பையை சார்ந்தவர். மராத்தி சித்பவன் பிராம்மண குடும்பத்தைச் சார்ந்த ஷங்கர் மற்றும் ஸ்நேஹலதா தீட்சித்திற்கு பிறந்த இவர் டிவைன் சைல்ட் உயர்நிலைப்பள்ளியிலும் மும்பை பல்கலைக்கழகத்திலும் படித்தார். மேலும் ஒரு நுண்ணுயிரியல் வல்லுனர்  ஆக விரும்பினார். இவர் பலமுறை மேடைகளில் நடனமாடி பெயர்பெற்ற கதக் நடனக் கலைஞராவார், இவர் கதக் நடனத்தில் எட்டு ஆண்டுகள் பயிற்சி பெற்றார்.
மாதுரி தீட்சித் முதல்முறையாக அபோத் (1984) என்ற திரைப்படத்தில் அறிமுகமானார். அவர் சில சிறிய மற்றும் துணை கதாபாத்திரங்களில் நடித்தபிறகு, தேஜாப் (1988) என்ற படத்தில் முதன்மை கதாப்பாத்திரத்தில் நடிக்கும் வாய்ப்பு கிடைத்தது, இப்படம் இவரை ஒரு திரைநட்சத்திரமாக வானளாவுக்கு உயர்த்தியது, மேலும் இவர் இப்படத்தில் நடித்ததற்கான முதல் பிலிம்பேருக்கான பரிந்துரையும் (nomination) பெற்றார். இவர் அதற்குப்பிறகு பல வெற்றிப்படங்களில் நடித்தார், அவற்றில் ராம் லகன் (1989), பரிந்தா (1989), த்ரிதேவ் (1989) மற்றும் கிஷன் கன்ஹையா (1990) போன்ற படங்கள் அடங்கும். இப்படங்களில் நடித்தான் மூலம் அனில் கப்பூரும் இவரும் நெருங்கிய நண்பர்களாயினர்.
1990 ஆம் ஆண்டில், மாதுரி இந்திர குமாரின்காதல்-நாடகமான தில் என்ற திரைப்படத்தில் ஆமிர் கானுடன் நடித்தார். இவர் மது மெஹ்ரா என்ற கதாப்பாத்திரத்தில் ஒரு பணக்கார மற்றும் சீரழிந்த இளம்பெண்ணாக நடித்தார். ராஜா என்ற வாலிபனைக் காதலிக்கிறார், அவ்வேடத்தில் கான் நடித்தார் மேலும் அதற்குப்பிறகு அவனை மணந்து கொள்வதற்காக தன் வீட்டைவிட்டு செல்கிறாள். அந்த ஆண்டின் மிகப்பெரிய வெற்றிப்படமாக (பாக்ஸ் ஆபீஸ் ஹிட்) அந்தப்படம் இந்தியாவில் திகழ்ந்தது, மேலும் மாதுரியின் நடிப்பு அவருக்கு அவருடைய தொழில்வாழ்க்கையின் முதல் பிலிம்பேர் சிறந்த நடிகைக்கான விருதைப் பெற்றுத்தந்தது.
தில் படத்தைத் தொடர்ந்து அவர் வரிசையாக மேலும் பல வெற்றிப்படங்களை அளித்தார், அவற்றில் சாஜன் (1991), பேட்டா (1992), கல்நாயக் (1993), ஹம் ஆப்கே ஹைன் கௌன் ! (1994) மற்றும் ராஜா (1995) போன்றவை அடங்கும். பேட்டா என்ற படத்தில் மாதுரியின் நடிப்பானது, அதில் அவர் ஒரு படிக்காதவனை மணந்து கொள்ள, பல இக்கட்டான சூழ்நிலைகளுக்குப் பிறகு, அவரது கணவன் முன் தனது சூழ்ச்சி செய்யும் மாமியாரைக் கையும் களவுமாக பிடிக்கிறார், இப்படம் இவருக்கு இவருடைய இரண்டாவது பிலிம்பேர் சிறந்த நடிகைக்கான விருதைப் பெற்றுத்தந்தது.
ஹம் ஆப்கே ஹைன் கௌன் ! என்ற படம் ஹிந்தி திரைப்பட வரலாற்றில் இதுவரை பெற்றிராத அளவுக்கு வசூலைப் பெற்றுத்தந்தது. அப்படத்திற்கு ரூபாய் 650 மில்லியனுக்கும் மேலாக இந்தியாவில் வசூலானது மற்றும் வெளிநாட்டில் ரூபாய் 150 மில்லியனுக்கும் மேல், மாதுரிக்கு அவருடைய மூன்றாவது பிலிம்பேர் சிறந்த நடிகைக்கான விருதைப் பெற்றுத்தந்தது. அதே வருடத்தில், மாதுரி அதே வகையான பகுப்பில் அன்ஜாம் என்ற படத்தில் அவருடைய சிறந்த நடிப்பிற்காக பரிந்துரைக்கப்பட்டார் மேலும் இவர் திறனாய்வாளர்களின் நன்மதிப்பையும் பெற்றார்.
1996 ஆம் ஆண்டு அவருக்கு வெற்றிகரமாக இருக்கவில்லை, 1997 ஆம் ஆண்டில் மாதுரி பூஜா என்ற பாத்திரத்தில் யாஷ் சோப்ராவின் படமான தில் தோ பாகல் ஹை (1997) யில் தோன்றினார். இந்தப்படம் தேசிய அளவில், விமர்சகர்களிடமும் மற்றும் வணிகரீதியிலும் மிகப்பெரிய வெற்றிப்படமாகத் திகழ்ந்தது மேலும் மாதுரி அவருடைய நான்காவது பிலிம்பேர் சிறந்த நடிகைக்கான விருதைப்பெற்றார்.[5] அதே வருடத்தில், மாதுரி பிரகாஷ் ஜாவின் பலராலும் போற்றப்பட்ட ம்ரித்யுதண்ட் என்ற படத்தில் நடித்தார். வணிகரீதியாகவும் கலை நயத்துடன் கூடிய படமாகவும் இப்படம் திகழ்ந்து இரு எல்லைகளையும் தாண்டிய ஒரு படமாக இப்படம் அறியப்பெற்றது. ஜெனீவாவில் நடந்த சினிமா டோவ்த் எச்ரான் (Cinéma Tout Ecran) என்ற நிகழ்ச்சி மற்றும் பாங்கோக்கில் நடந்த திரைப்பட விழாவிலும் இப்படம் சிறந்த தேசிய திரைப்பட விருதைப் பெற்றது. அப்படத்தில் அவரது நடிப்பிற்காக மாதுரிக்கு அவ்வாண்டின் ஸ்டார் ஸ்க்ரீன் திரைப்பட விருதுகள் நிகழ்ச்சியில் சிறந்த நடிகைக்கான விருது கிடைத்தது.
மாதுரி அவரது நடிப்புத்திறமைக்கு மட்டுமல்ல, ஆனால் அவரது நடனத்திறமைக்கும் பெயர்போனவர். பாலிவுட்டின் பிரபலமடைந்த திரைப்பட பாடல்களுக்கான அவளுடைய நடன வரிசை முறைகள், எடுத்துக்காட்டாக ஏக் தோ தீன் (தேஜாபில்), படா துக் தீன்ஹ (ராம் லகனில்), தக் தக் (பேட்டா) , சனே கே கேத் மெயின் (அன்ஜாமி), சோலி கே பீச்சே (கல்நாயக்), அகியான் மிலாவுன் (ராஜா) பியா கர் ஆயா (யாரானா), கே சரா (புகாரி), மார் டாலா (தேவதாஸ் ) போன்ற பல பாடல்கள் மக்களால் மிகையாக போற்றப்பட்டுள்ளது.
2002 ஆம் ஆண்டில் இவர் சஞ்சய் லீலா பன்சாலியின் தேவதாஸ் படத்தில் ஷா ருக் கான் மற்றும் ஐஸ்வர்யா ராயுடன் நடித்தார். இவருடைய நடிப்பு மிகவும் பாராட்டப்பெற்றது. மேலும் இப்படம் இவருக்கு பிலிம்பேர் சிறந்த துணைநடிகைக்கான விருதைப் பெற்றுத்தந்தது. இப்படம் உலக அளவில் கவனத்தை ஈர்த்தது மேலும் கேன்ஸ் திரைப்பட விழா வில் திரையிடப்பெற்றது.
அதற்குப்பின் வந்த வருடத்தில் இவர் பெயரில், மை மாதுரி மாதுரி பன்னா சாஹ்தீ ஹூன் ! என்ற படம் வெளியானது.[6] இப்படத்தில் ஒரு பெண் (அந்தர மாலி என்பவள் அவ்வேடத்தில் நடித்தாள்) புதிய மாதுரியாக வருவதற்கு, பாலிவுட் தொழிலில் தனது யோகத்தை சோதித்துப் பார்த்தார்.
பெப்ரவரி 25, 2006 அன்று ஆறு வருடங்களுக்குப் பிறகு முதல் முறையாக மேடையில் பிலிம்பேர் திரைப்பட விருதின் போது இவர் கடைசியாக நடித்த படமான தேவதாஸ் படத்தின் ஒரு பாடலுக்கு நடனமாடினார். இவருடைய இந்த மேடை நிகழ்சிக்கான நடன அமைப்பை சரோஜ் கான் என்பவர் மேற்கொண்டார்.
இந்தியாவின் மிகப்பிரபலமான ஒவியரான எம். எப். ஹுஸேன், மாதுரி மீது மிகவும் அபிமானம் கொண்டிருந்தார் மற்றும் அவரை பெண்மையின் தொகுப்பு என்று கருதினார். அதனால் அவர் கஜ காமினி (2000) என்ற பெயரில் ஒரு படத்தைத் தயாரித்தார், அதில் மாதுரியும் நடித்தார். ஹுஸேன், மாதுரி அவர்களைப் புகழுரைக்கும் நோக்கத்துடன் அவர் இப்படத்தை எடுத்தார். இப்படத்தில் அவர் பெண்மையின் பல்வேறு வடிவங்களை மற்றும் வெளிப்பாடுகளை சித்தரிப்பதைக் காணலாம், அவற்றில் காளிதாசரின் கற்பனையில் உதித்த அபிமான நங்கை, லியொனார்டோவின் மோனா லிசா, ஒரு போராளி மற்றும் இசையின் நலஉணர்வுமிகு உளப்பிணியின் (நல நில உணர்வின்) அவதாரம் அதாவது விண்ணுலகிலிருந்து மண்ணுலகத்திற்கு வந்து பிறப்பது போன்ற தோற்றம் ஆகியவவை அவற்றிலடங்கும்.
டிசம்பர் 7, 2006 அன்று ஆஜா நாச்லே (2007) என்ற படத்தின் படப்பிடிப்பைத் துவங்க, மாதுரி தனது பிள்ளைகள் மற்றும் கணவனுடன் மும்பைக்கு திரும்பி வந்தார். இந்தப்படம் நவம்பர் 2007 இல் வெளியானது மற்றும் திறனாய்வாளர்கள் அதனை அலசி களைந்தும், மாதுரியின் நடிப்பு நல்லமுறையில் வரவேற்கப் பெற்றது. மேலும் நியூயார்க் டைம்ஸ் “அவரிடம் இன்னமும் திறமை இருக்கிறது” என்ற கருத்தை வெளியிட்டது.
2007 ஆண்டின் அனைத்துலக மகளிர் தினம் அன்று, மாதுரி ரிடிஃப் வரையறுத்த பாலிவுட்டின் மிகச்சிறந்த நடிகைகளின் பட்டியலில் என்றென்றைக்கும் முதன்மை பெற்றவரானார். மே 2008 ம் ஆண்டில் லாஸ் ஏஞ்சலஸில் நடைபெற்ற இந்தியன் பிலிம் பெஸ்டிவலில் இவர் கவுரவபடுத்தப்பட்டார். மார்ச் 2010 ல், தி எக்கனாமிக் டைம்ஸ் மாதுரியை, “இந்தியாவை பெருமை அடைய செய்த 33 பெண்மணிகள்” பட்டியலில் இவரையும் சேர்த்து பெருமைப்படுத்தியது.

Related