விஷால் நடிப்பில் தற்போது உருவாகி இருக்கும் படம் `இரும்புத்திரை’. இதில் சமந்தா கதாநாயகியாக நடித்துள்ளார். மித்ரன் இயக்கியுள்ள இப்படம் ஜனவரி 26ம் தேதி வெளியாக இருக்கிறது. இப்படத்தின் டீசர் வெளியீட்டு விழாவில் `சண்டக்கோழி-2′ படத்தின் ரிலீஸ் தேதியை விஷால் அறிவித்தார்.
`சண்டக்கோழி-2′ படம் தமிழ் புத்தாண்டை முன்னிட்டு ஏப்ரல் 14-ஆம் தேதி வெளியாகும் என்று அறிவிக்கப்பட்டுள்ளது. லிங்குசாமி இயக்கும் இந்த படத்தில் விஷால் ஜோடியாக கீர்த்தி சுரேஷ் நடிக்கிறார். வரலட்சுமி சரத்குமார் முக்கிய கதாபாத்திரத்தில் நடித்து வருகிறார். மேலும் ராஜ்கிரன், சதீஷ், சூரி, உள்ளிட்ட பலரும் நடிக்கின்றனர்.
விஷால் தனது சொந்த தயாரிப்பு நிறுவனமான விஷால் பிலிம் பாக்டரி மூலம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார்.