நடிகை ரம்பாவின் இயற்பெயர் விஜயலட்சுமி. திரைப்படத்திற்காக தனது பெயரை முதலில் அம்ரிதா என்றும், பின்னர் ரம்பா என்றும் மாற்றி கொண்டார்.
அவர் தெலுங்கு, தமிழ், மலையாளம், இந்தி, கன்னடம், பெங்காலி மற்றும் போஜ்புரி மொழிகளில் பல வெற்றித் திரைப்படங்களில் நடித்துள்ளார். கலைஞர் தொலைக்காட்சியின் வெற்றி நிகழ்ச்சியான மானாட மயிலாட நிகழ்ச்சியின் நடுவராக பங்குபெற்று புகழ் பெற்றார்.
நடிகை ரம்பா நடித்த முதல் படம் ஈ.வி.வி.சத்யநாராயணா இயக்கிய 1993ஆம் ஆண்டு வெளியான ஆ ஒக்கடு அடக்கு என்ற தெலுங்குப் படமாகும்.
மலையாளத்தில் அவருடைய முதல் படம் வினீத்துடன் நடித்து 1992ஆம் ஆண்டு வெளியான சர்கம் ஆகும். அதே ஆண்டு வினீத்துடன் நடித்து வெளியான மற்றொருத் திரைப்படம் சம்பகுளம் தச்சன் ஆகும்.
தமிழில் அவர் நடித்த முதல் படம் கதிர் இயக்கத்தில் 1993ஆம் ஆண்டு வெளியான உழவன் ஆகும். அவருடைய இரண்டாவது படமான உள்ளத்தை அள்ளித்தா வெற்றி பெற்று அவருக்குப் பெரும் புகழை அள்ளித் தந்தது. அவருடைய ரசிகர்கள் அவரை தொடை அழகி என்று அழைதனர்.
ரம்பா அவருடைய சகோதரர் வாசுவுடன் இணைந்து “த்ரீ ரோசஸ்” என்ற தமிழ்த் திரைப்படத்தைத் தயாரித்தார். அத்திரைப்படத்தில் ரம்பாவுடன் இணைந்து ஜோதிகா மற்றும் லைலா ஆகியோர் நடித்தனர்.
ரம்பா நடித்த குயிக் கன் முருகன் என்ற திரைப்படம் ஆங்கிலம், இந்தி, தமிழ், தெலுங்கு என பல்மொழிகளில் வெளியாகி வெற்றி பெற்றது. அதில் அவர் நடித்த மேங்கோ டாலி என்ற கதாபாத்திரத்தின் மூலம் புகழ் பெற்றார்.
தற்பொழுது கனடா நாட்டைச் சேர்ந்த மேஜிக் உட் என்ற நிறுவனத்தின் விளம்பரத் தூதராக நியமிக்கப்பட்டுள்ளார்.
இவர் நடித்த படங்கள்
உழவன்
உள்ளத்தை அளித்தா
சுந்தர பாண்டியன்
சிவசக்தி
செங்கோட்டை
தர்ம சக்கரம்
அடிமைச் சங்கிலி
வி.ஐ.பி
அருணாச்சலம்
ராசி
ஜானகிராமன்
காதலர் தினம்
நினைத்தேன் வந்தாய்
காதலா காதலா
உனக்காக எல்லாம் உனக்காக
உன்னருகே நான் இருந்தால்
பூமகள் ஊர்வலம்
மின்சாரக் கண்ணா
சுயம்வரம்
என்றென்றும் காதல்
குங்குமப்பொட்டுக்கவுண்டர்
அன்புடன்
சுதந்திரம்
அழகான நாட்கள்
ஆனந்தம்
த்ரீ ரோசஸ்
பந்தா பரமசிவன்
சத்திரபதி
அழகிய தீயே
சுக்ரன்
கிவிக் கன் முருகன்
ஒரு காதலன் ஒரு காதலி
பெண் சிங்கம்