ஆண்டு தோறும் சிறந்த திரைப்படம், நடிகர் நடிகை மற்றும் தொழில் நுட்ப கலைஞர்களுக்கு மத்திய அரசு தேசிய விருதுகள் வழங்கி கௌரவித்து வருகிறது. 2016 -ம் ஆண்டுக்கான சிறந்த திரைப்படங்களின் வரிசையில் இந்த முறை தமிழ் படங்களும் நிறைய விருதுகளை வென்றுள்ளது .
விருதுகளை வென்ற படங்களின் தயாரிப்பாளர்கள் மற்றும் தொழில் நுட்ப கலைஞர்களுக்கு தென்னிந்திய நடிகர் சங்கம் தங்களது வாழ்த்துக்களையும் பாராட்டுதல்களையும் தெரிவிக்கிறது .
நடிகர் சங்கம் வெளியிட்டுள்ள வாழ்த்து அறிக்கையில் ” சிறந்த மாநில மொழி படத்துக்கான விருது ட்ரிம் வாரியார் பிக்சர்ஸ் சார்பில் S.Rபிரகாஷ் பாபு ,S.R பிரபு இணைந்து தயாரித்த- ராஜூ முருகன் இயக்கிய ‘ஜோக்கர்’ படம் தேர்வு் பெறறுள்ளது.இதே படத்தில் ஜாஸ்மினு … என்ற பாடலை பாடிய சுந்தர ஐயர் சிறந்த பின்னணி பாடகராகவும் . மேலும் 2D எண்டர்டெயின்மென்ட் சார்பில் நடிகர் சூர்யா தயாரித்து நடித்த- விக்ரம்.K.குமார் இயக்கிய ’24’ படத்தின் ஒளிப்பதிவாளர் திரு என்ற திருநாவுக்கரசு சிறந்த ஓளிப்பதிவாளருக்கான தேசிய விருதையும் , இதே படத்துக்கு சிறந்த தயாரிப்பு வடிவமைப்புக்கான தேசிய விருதை சுபத்ரா சக்ரவர்த்தி, ஸ்ரேயாஸ் கெடேகர் ,அமித் ராய் ஆகியோரும் பெற்றுள்ளார்கள்.ஸ்டுடியோ 9 R.K.சுரேஷ் தயாரித்த – சீனு ராமசாமி இயக்கிய ‘தர்மதுரை’ படத்தில் எந்த பக்கம் … பாடலை இயற்றிய வைரமுத்து சிறந்த பாடல் ஆசிரியருக்கான தேசிய விருதுக்கும் தேர்வு செய்யப்பட்டுள்ளார். இவர்களுக்கு தென்னிந்திய நடிகர் சங்கம் சார்பாக மனமார்ந்த வாழ்த்துக்களை தெரிவித்துக் கொள்கிறோம் ” இவ்வாறு குறிப்பிட்டுள்ளது