பிரபாஸ் இராஜூ உப்பலபட்டி தெலுங்கு திரைப்பட நடிகர் ஆவார். இவர் தெலுங்கு திரைப்படத் துறையின் முன்னணி நடிகர்களுள் ஒருவர். வர்ஷம் என்ற 2004 ஆம் ஆண்டு வெளியான திரைப்படத்தின் மூலம் இவர் புகழடைந்தார். மிர்ச்சி, முன்னா, டார்லிங், மிஸ்டர். பெர்ஃபெக்ட் உள்ளிட்ட திரைப்படங்கள் இவரது வெற்றிப் படங்கள். இவர் தமிழில் நடித்த பாகுபலி, மற்றும் பாகுபலி 2 படமானது இவருக்கு மிகப்பெரிய வெற்றியைத் தேடித்தந்தது.
பிரபுதேவா இயக்கிய ஆக்ஷன் ஜாக்சன் படத்தில் ஒரு பாடலில் சிறப்பு தோற்றத்தில் தோன்றி இருப்பார் பிரபாஸ்
பாங்காக்கில் உள்ள மேடமே துஷாட்ஸ் எனும் வேக்ஸ் சிலை மியூசியத்தில் இடம்பெற்ற ஒரே தென்னிந்தியா நடிகர் பிரபாஸ் தான். இவரது பாகுபலி உருவ பொம்மை அங்கு நிறுவப்பட்டுள்ளது.
பிரபாஸின் தந்தை சூர்யநாராயணா ராஜு ஒரு தயாரிப்பாளர். இவரது மாமா கிருஷ்ணம் ராஜு டோலிவுட் நடிகர்.
ஆரம்பத்தில் நடிகர் பிரபாஸ், ஒரு ஹோட்டல் உரிமையாளர் ஆகவேண்டும் என்று தான் விரும்பினார். எதிர்பாராத விதமாக தான் இவர் நடிக்க வந்தார்.
பிரபாசுக்கு பட்டர் சிக்கன், சிக்கன் பிரியாணி என்றால் மிகவும் பிரியம். ஒருவேளை இதற்காக தான் ஹோட்டல் உரிமையாளர் ஆக நினைத்தாரோ…?!!?
பிரபாஸ் இந்தியாவின் முன்னணி இயக்குனர் ராஜ்குமார் ஹிரானியின் தீவிர ரசிகர். 3 இடியட்ஸ், முன்னா பாய் எம்.பி.பி.எஸ் போன்ற படங்களை 20 தடவைகளுக்கும் மேலாக பார்த்துள்ளாராம்.
பாகுபலி நடிக்க கதை கேட்டு ஒப்புக்கொண்ட நாள் முதல், பிரபாஸ் வேறு எந்த கதைகளையும் கேட்கவும் இல்லை, நடிக்கவும் முற்படவில்லை என கூறப்படுகிறது. தனக்கு என்ன சம்பளம் என்று கூட கேட்காமல் நடிக்க ஒப்புக்கொண்டாராம்.
பாகுபலி தோற்றத்திற்காக உழைக்க, தனது வீட்டில் ஒரு வாலிபால் கோர்ட் கட்டி இருந்தார் பிரபாஸ்.
தனது உடல் எடையில் இருந்து முப்பது கிலோ அதிகம் ஏற்றினார். இதனால் உடல் ரீதியாக மட்டுமின்றி, மன ரீதியாகவும் பெரும் அழுத்தத்திற்கு ஆளானார் பிரபாஸ். நான்கு வருடங்கள் தான் தாண்டி வந்த கஷ்டங்களை அவர் பெரிதாக யாரிடமும் கூறவில்லை.
ஹாலிவுட் நடிகர் ராபர்ட் டி நீரோவை தான் தனது ரோல் மடலாக பார்க்கிறார், மிகவும் விரும்புகிறார் நடிகர் பிரபாஸ்.
தனது திருமணத்தை பாகுபலி படத்திற்காக தள்ளி வைத்திருந்தார். இந்த நான்கு வருடங்களில் இவருக்கு 6000 வரன்கள் வந்து குவிந்தனவாம். ஆனால், யாரையும் தேர்வு செய்யவில்லை பிரபாஸ். இடையே 23 வயது பொறியியல் மாணவியை தான் பிரபாஸ் திருமணம் செய்து கொள்ள போகிறார் என புரளிகளும் வந்தன.
பாகுபலி மொத்த ஷூட்டிங் முடித்த கையோடு ஐரோப்பிய சுற்றுலா சென்று விட்டனர்.
பாகுபலி நடித்துக் கொண்டிருக்கும் போதும், இப்போது நடித்து முடித்த பிறகும் என தனக்கு வந்த பல கோடி விளம்பர நடிப்பு வாய்ப்புகளை உதறி தள்ளியுள்ளார் பிரபாஸ். பாகுபலி ஸ்பான்சர் விளம்பரங்களில் மட்டுமே சிறப்பு தோற்றத்தில் தோன்றி வருகிறார்.
இவர் நடித்த திரைப்படங்கள்
சாகோ, பாகுபலி 2, பாகுபலி – 2015 இது இவர் தமிழில் நடித்த படங்கள் தெலுங்கில் இவர்பால படங்கள் நடித்துள்ளார் அதில் அதிக படங்கள் சூப்பர் ஹிட் என்பது குறிப்பிடவேண்டிய விஷயம்