பிரபுதேவா நடிப்பில் 16 வருடங்கள் முன் தமிழ் மொழியில் எடுக்கப்பட்ட படம் ‘சார்லி சாப்ளின்.’ இந்த படம் தமிழில் ஹிட்டடித்தது மட்டுமின்றி பின்னர் தெலுங்கு,மலையாளம், கன்னடம், ஹிந்தி பெங்காலி, ஒரியா உட்பட பல்வேறு இந்திய மொழிகளில் மேக் செய்யப்பட்டு
அந்த படத்தின் இரண்டாம் பாகம் ‘சார்லி சாப்ளின் -2.’ முதல் பாகத்தின் ஹீரோவான பிரபுதேவாவே இதிலும் நாயகனாக நடித்திருக்கிறார்.
அம்மா கிரியேசன்ஸ் பட நிறுவனம் அதிக பொருட்செலவில் தயாரித்துள்ள இந்த படத்தில் நிக்கி கல்ராணி, அதா சர்மா என இரண்டு கதாநாயகிகள். இவர்களோடு சந்தனா, அரவிந்த் ஆகாஷ், விவேக் பிரசன்னா, ரவிமரியா, T.சிவா, கிரேன் மனோகர், செந்தி,சாம்ஸ், காவ்யா, பார்கவ், கோலிசோடா சீதா ஆகியோருடன் வில்லன்களாக தேவ்கில், சமீர் கோச்சார் ஆகியோர் நடித்திருக்கிறார்கள்.
படம் பற்றி இயக்குநர் ஷக்தி சிதம்பரம் பகிர்ந்துகொண்டது:-
என் படங்களில் காமெடியும் கமர்ஷியலும் கொஞ்சம் கூடுதலாக இருக்கும். சார்லி சாப்ளின் முதல் பாகத்தில் இதெல்லாம் இருந்ததால் தான் படம் எல்லா மொழிகளிலும் அமோக வெற்றி பெற்றது. 16 வருடங்களுக்கு பிறகு அதே டைட்டிலில் இரண்டாம் பாகம் உருவாகி உள்ளது.
பிரபு தேவா மேட்ரிமோனியல் நிறுவனம் நடத்தும் வேடத்தில் நடிக்கிறார்.
நிக்கி கல்ராணி சமூக ஆர்வலராக நடிக்கிறார். பிரபு டாக்டராகவும் , அதா சர்மா மனோதத்துவ நிபுணராகவும் நடிக்கிறார்கள்.படத்தில் இடம்பெற்றுள்ள கிராமப்புற பாடகர்கள் செந்தில் கணேஷ் – ராஜலட்சுமி பாடிய சின்ன மச்சான் செவத்த மச்சான் பாடல் யூ டியூப்பில் 7.5 கோடி பார்வையாளர்களால் பார்க்கப்பட்டுள்ளது.லட்சக் கணக்கில் டப்மேஷ் உருவாக்கப் பட்டு சாதனை படைத்திருக்கிறது.
படப்பிடிப்பு கோவா கும்பகோணம் சென்னை போன்ற இடங்களில் நடை பெற்றுள்ளது!” இந்த படம் வரும் வெள்ளிக்கிழமை வெளியாகிறது அதாவது இம் மாதம் 25ம் தேதி வெளியாகிறது.