Tuesday, November 17
Shadow

ஜி.வி. பிரகாஷ் குமாரின் புதிய அவதாரம்… கிரிக்கெட் வீரராகக் களமிறங்கும் ‘அன்புடன் மகி’!

ஜி.வி. பிரகாஷ் குமாரின் புதிய அவதாரம்… கிரிக்கெட் வீரராகக் களமிறங்கும் ‘அன்புடன் மகி’! – இறுதிக்கட்டப் படப்பிடிப்பு தீவிரம்; 2027 தொடக்கத்தில் திரைக்கு வருகிறது!

‘ஜோ’ பட இயக்குநர் ஹரிஹரன் ராம் இயக்கத்தில் ஜி.வி. பிரகாஷ் குமார் – மாளவிகா மனோஜ் மீண்டும் இணையும் புதிய திரைப்படம்!

லார்க் ஸ்டுடியோஸ் மற்றும் பேரலல் யுனிவர்ஸ் பிக்சர்ஸ் நிறுவனங்கள் இணைந்து தயாரிக்கும் புதிய திரைப்படத்திற்கு ‘அன்புடன் மகி’ எனப் பெயரிடப்பட்டுள்ளது. ஜி.வி. பிரகாஷ் குமார் கதாநாயகனாக நடிக்கும் இப்படத்தின் டைட்டில் மற்றும் ஃபர்ஸ்ட் லுக் போஸ்டரைப் படக்குழு அதிகாரப்பூர்வமாக வெளியிட்டுள்ளது. தற்போது படத்தின் இறுதிக்கட்டப் படப்பிடிப்பு விறுவிறுப்பாக நடைபெற்று வருகிறது. மேலும், இப்படம் 2027-ம் ஆண்டின் தொடக்கத்தில் திரையரங்குகளில் வெளியாகும் என அறிவிக்கப்பட்டுள்ளது.

லார்க் ஸ்டுடியோஸ் நிறுவனத்தின் ஆறாவது தயாரிப்பாக உருவாகும் ‘அன்புடன் மகி’ திரைப்படத்தை, ‘ஜோ’ படத்தின் மூலம் ரசிகர்கள் மற்றும் விமர்சகர்களின் கவனத்தை ஈர்த்த இயக்குநர் ஹரிஹரன் ராம் இயக்குகிறார். ‘கருடன்’, ‘மாமன்’ உள்ளிட்ட வெற்றிப் படங்களைத் தொடர்ந்து லார்க் ஸ்டுடியோஸ் தயாரிக்கும் இப்படம் மீதும் திரையுலகில் எதிர்பார்ப்பு உருவாகியுள்ளது.

இப்படத்தில் ஜி.வி. பிரகாஷ் குமார் இதுவரை ஏற்றிராத வித்தியாசமான கதாபாத்திரத்தில் கிரிக்கெட் வீரராக நடிக்கிறார். இதற்காக அவர் பிரத்யேகப் பயிற்சிகளை மேற்கொண்டு தனது தோற்றம் மற்றும் உடல்மொழியில் கவனம் செலுத்தியுள்ளார். நடிப்புடன் படத்திற்கு இசையமைக்கும் பொறுப்பையும் அவரே ஏற்றுள்ளார் என்பது கூடுதல் சிறப்பு.

‘ஜோ’ திரைப்படத்தின் மூலம் ரசிகர்களின் மனதில் இடம்பிடித்த மாளவிகா மனோஜ், இப்படத்தில் கதாநாயகியாக நடிக்கிறார். இவர்களுடன் பிரேம்குமார், சபரீஷ், நமீதா கிருஷ்ணமூர்த்தி, ஹரி முனியப்பன், யூடியூப் பிரபலங்களான கார்த்திக் ராமதுரை, தனுஷ், சன் டிவி தொகுப்பாளர் ராகேஷ் மற்றும் காவ்யா அறிவுமணி உள்ளிட்ட பலர் முக்கிய கதாபாத்திரங்களில் நடித்துள்ளனர்.

படத்தின் தொழில்நுட்பக் குழுவிலும் அனுபவம் வாய்ந்த கலைஞர்கள் இணைந்துள்ளனர். ‘கர்ணன்’, ‘வாழை’ உள்ளிட்ட படங்களின் மூலம் தனித்துவமான ஒளிப்பதிவால் கவனம் பெற்ற தேனி ஈஸ்வர் ஒளிப்பதிவைக் கையாள்கிறார். சக்தி பிரணேஷ் படத்தொகுப்பையும், மீவின் வினோத் கலை இயக்கத்தையும் கவனிக்கின்றனர்.

இதற்கிடையே, படத்தின் தலைப்புடன் வெளியிடப்பட்டுள்ள ஃபர்ஸ்ட் லுக் போஸ்டர் ரசிகர்களின் கவனத்தை ஈர்த்துள்ளது. அதுமட்டுமின்றி, படத்தின் காட்சியமைப்பு, கதையின் பின்னணி மற்றும் அதன் ஒட்டுமொத்த திரை அனுபவம் எத்தகையதாக இருக்கும் என்பதை உணர்த்தும் வகையில் விரிவான லுக் புக் ஒன்றையும் படக்குழு வெளியிட்டுள்ளது.

கிரிக்கெட் வீரராக ஜி.வி. பிரகாஷ் குமார் ஏற்றுள்ள புதிய அவதாரம், ஹரிஹரன் ராமின் இயக்கம், மாளவிகா மனோஜ் உடனான கூட்டணி எனப் பல சிறப்பம்சங்களுடன் உருவாகி வரும் ‘அன்புடன் மகி’ திரைப்படத்தின் இறுதிக்கட்டப் பணிகள் தற்போது வேகமெடுத்துள்ளன. இப்படம் 2027-ம் ஆண்டின் தொடக்கத்தில் திரைக்கு வரவுள்ளதால், ரசிகர்கள் மத்தியில் எதிர்பார்ப்பு அதிகரித்துள்ளது.

 

 

G.V. Prakash Kumar Turns Cricketer for ‘Anbhudan Mahi’ – First Look Released; Film Set for Early 2027 Release!

‘Joe’ Director Hariharan Ram Teams Up with G.V. Prakash Kumar and Malavika Manoj for an Upcoming Entertainer; Final Leg of Shooting Progressing at a Brisk Pace

Lark Studios and Parallel Universe Pictures have joined hands to produce a new Tamil film titled ‘Anbhudan Mahi’, starring G.V. Prakash Kumar in the lead role. The makers have officially unveiled the film’s title and first-look poster. The project is currently in its final stages of shooting and is scheduled to hit theatres in early 2027.

Marking the sixth production venture of Lark Studios, ‘Anbhudan Mahi’ is directed by Hariharan Ram, who earned critical acclaim and commercial success with his film ‘Joe’. Following the success of productions such as ‘Garudan’ and ‘Maaman’, Lark Studios is gearing up to present another promising project with this film.

G.V. Prakash Kumar takes on a completely different role in ‘Anbhudan Mahi’, portraying a cricketer. To bring authenticity to his character, the actor has undergone intensive training and dedicated preparation. Adding another special element to the project, he is also composing the music for the film.

Malavika Manoj, who won appreciation for her performance in ‘Joe’, plays the female lead. The supporting cast includes Premkumar, Sabarish, Namitha Krishnamoorthy, Hari Muniappan, YouTube personalities Karthik Ramadurai and Dhanush, Sun TV anchor Rakesh, and Kaviya Arivumani in important roles.

The film boasts an experienced technical team. Theni Eshwar, known for his impressive cinematography in films such as ‘Karnan’ and ‘Vaazhai’, is handling the cinematography. Sakthi Pranesh is in charge of editing, while Meevin Vinoth oversees the art direction.

Along with the title and first-look poster, the makers have also unveiled a detailed look book that offers an insight into the film’s visual treatment, narrative tone and overall cinematic style.

With the final schedule of shooting progressing at a brisk pace, ‘Anbhudan Mahi’ is gearing up for a theatrical release in early 2027. G.V. Prakash Kumar’s fresh avatar as a cricketer, the reunion of the ‘Joe’ director and lead actress, and the film’s promising team have already generated considerable curiosity among audiences.