தமிழில் இதுவரை எத்தனையோ ஆல்பம் பாடல்கள் வந்துள்ளது. அதில் பல புதுமையானவையாகவும் இருந்துள்ளது. அந்த வகையில் முற்றிலும் புதுமையாக திரைப்படத்துறை அனுபவம் கொண்ட பலர் மற்றும் ஜாம்பவான்கள் சிலர் இணைந்து `எனக்கெனவே’ என்ற ரொமாண்டிக் வீடியோ ஆல்பம் பாடல் ஒன்றை உருவாக்கியுள்ளனர்.
இந்த ரொமண்டிக் மியூசிகல் ஆல்பத்துக்கு கணேசன் சேகர் இசையமைத்துள்ளார். இவர் ஏற்கனவே ஜி.வி.பிரகாஷ் நடிப்பில் வெளிவந்த `ப்ரூஸ் லீ’ படத்தில் இடம்பெற்ற `நான்தான் கொப்பன் டா’ என்ற சிங்கள் பாடலுக்கு இசையமைத்தவர் என்பது குறிப்பிடத்தக்கது. இப்பாடலை இயக்குநர் எம்.ராஜேஷிடம் உதவி இயக்குநராக பணியாற்றிய கார்த்திக் ஸ்ரீ இயக்கியுள்ளார். கவிஞர் முத்தமிழ் எழுதியுள்ள இப்பாடலை இசையமைப்பாளர், பாடகர், நடிகர் என பன்முகம் கொண்ட ஜி.வி.பிரகாஷ் குமார் பாடியுள்ளார்.
கபாலி, பைரவா போன்ற படங்களில் பணியாற்றிய தேசிய விருது பெற்ற படத்தொகுப்பாளர் பிரவீன் கே.எல் இந்த ஆல்பத்துக்கு படத்தொகுப்பு பணிகளை மேற்கொண்டுள்ளார். சுந்தர் ராகவன் ஒளிப்பதிவில், அசார் நடன வேலைகளை கவனிக்கிறார்.
காதல் பாடலான எனக்கெனவே பாடலில் நாயகனாக ராகேஷ் ராஜன், நாயகியாக ஸ்முருத்தி நடித்துள்ளனர்.
அனுபவம் வாய்ந்த குழுவால் உருவாக்கப்பட்டுள்ள இப்பாடலை மெட்ராஸ் டெக்கீஸ் நிறுவனம் சார்பில் ஜெகதீசன்ஆர்.வி, நவநீத பாபு, நரேன் ஆகியோர் தயாரித்துள்ளனர். விரைவில் இப்பாடலின் முதல் தர ப்ரோமோ வெளியாகவுள்ளது. அதனைத் தொடர்ந்து முழு பாடலும் வெளியாகும். பாடலை உருவாக்கியுள்ள இதே குழு ஒன்றாக இனைந்து அடுத்து திரைப்படம் ஒன்றை உருவாக்கும் முயற்சியில் உள்ளது.